Lista di kandidatonan di partido Un Pueblo Nobo
E vishon
UPN
Foto di kandidatonan
Plan Desaroyo Nashonal
Berdadero Lider
Entrega di lista
Palabra di un hóben
The Triangle of Success
Full time
Profil
Programa di akshon
1. Bakuis Trinidad, Josephine Alice Maris Lider Polítiko i fundadó di “Un Pueblo Nobo”. Un persona ampliamente konosí den nos komunidat, ku eksperiensha ekstenso riba guia i formashon di hende. Despues di a traha 8 aña komo abogado for di 1975 te 1983 el a funshoná entre otro komo direktora di “Ofisina di Voogdijraad “, staflid di Prokurador General, direktora di e sentro di rehabilitashon “Narkótiko Viktorioso i Reskate”, konsehero di Promé Minister i di Minister di Bienestar Soshal i Asuntunan di Famia. E tabata presidente di “Liga pa Desaroyo i Emansipashon di Muhénan Antiano”. E ta fundadó i miembro di direktiva di vários organisashon soshal riba nos isla i tambe riba e tereno internashonal e ta miembro di e “executive council “di “International Third World Leaders Association” presidí pa Dr. Myles Munroe. E ta konosí komo un orador internashonal na vários konferensha di lidernan i di hende muhé. Tambe e tabata miembro di Konseho insular di Kòrsou di 1999-2003.
2. Girigorie, Quincy Charlton O'Brien. Un hóben íntegro ku tin interes di hóbennan riba nos isla na pechu. Unu ku a vosiferá sin miedu na defensa di hóbennan ku a enkontrá nan mes den difikultat ku asuntu di nan beka. E ta un persona ku tras di kortina ta lucha pa bienestar emoshonal di otronan. Den su tempu liber e ta dediká na konsehá esnan ku problemanan emoshonal i spiritual. Un futuro hurista.
4. Vlijt, Romualdo Nivardo. Kariñosamente yamá Broertje ta un dosente empleá na Feffik. Su enkargo einan ta un konsulènt. E ta sòru pa hóbennan por haña un kompania/organisashon pa nan por kore stage i asina terminá nan estudio. Su pashon ta traha na desaroyo di hóbennan. Un persona inkansabel ku ta lucha pa adelanto di hóbennan. Den su bandera di bida tin responsabilidat, disiplina i dedikashon ku e ta kombiná ku alegria i amor.
3. Lopes, Hugh Irving. Un edukador, kabes di skol di hopi eksperenshaKo-fundadó di sindikato di maestronan di skol (awe yamá) SITEK. Un persona ku a lucha semper pa hustisia, ku hopi amor a traha pa bienestar di tantu muchanan komo dosentenan. Unu ku hopi konosementu di e sistema edukashonal i tambe di leinan ku ta regardá posishon di trahadónan den enseñansa. Un èks-miembro di Konseho Insular, ku a militá semper ku sabiduria i ku bienestar di e pueblo na pechu.
6. Maduro, Benjamin Arnon. Un hóben-adulto serio ku hopi dedikashon na su kas i tambe na su trabou.Un persona ku ta dediká na studia historia di su nashon. Tur loke e hasi e ta hasi ku dedikashon i amor. Den su trabou konosí komo un trahadó serio i responsabel. Su funshon ta “ gastester”. E ta yuda guia hóbennan den nos komunidat entre otro riba tereno deportivo.
5. Britt, Rubia Marijke. Un maestra di skol ku hopi eksperensha. Rubia a desaroyá su mes riba diferente tereno di enseñansa. E ta un desaroyadó di material pa eduká muchanan. Tambe el a sigui kursonan di treiner i a traha pa un temporada komo treiner di enseñansa di fundeshi, dunando asina un aporte positivo na formashon di maestronan. Su pashon ta pa saka potenshal ku tin den e muchanan ku e ta instruí i e no ta spar ni tempu ni esfuerso pa e por logra esaki. Un maestro di skol dediká i ku hopi konosementu.
8. Silberie, Timoteo Benjamin. Konosí pa un i tur komo Teo. Teo tin 30 aña di edat, e ta kasá i tin 2 yu muhé. El a nase na Boneiru, i a bin hasi su estudio na universidat di Antia Ulandes. For di 1996 el a bin biba Kòrsou te ku dia di awe. Teo ta stima Kòrsou i su pashon pa mira nos isla progresá a motiv’é pa bira parti di partido Un Pueblo Nobo. Aktualmente e ta traha na e kompania: “ International Support Services” ku tin mas ku 7075 miembro di diferente pais, i aki Teo su funshon ta di supervisor pa klientenan. E ta un ekselente trahadó i a gana award pa su manera ku e ta kumpli ku su tarea laboral.
7. Laclé, Marco Anthony. Mihó konosí komo Anthony. Un agente polisial ku hopi responsabilidat i amor pa e kuerpo polisial i tambe pa nos nashon. El a dediká debido atenshon na su formashon komo agente polisial siguiendo un kantidat di kurso di formashon i tambe a duna lès na Politie Opleiding School. Awendia e ta sirbi e kuerpo den e funshon di presidente di “Dienstcommissie”. Un luchadó inkansabel pa hustisia. Un hòmber stret ku no ta bira palabra. Unu ku hopi bia ta fungi komo konsehero den su trabou. Aparte di su trabou sekular Marco ta un pastor ku ta guia otronan pa biba un bida den rektitut, amor i fe. Un hòmber di stándart moral haltu ku ta biba loke e ta prediká. Un hòmber di famia ehemplar.
10. Echobardo, Charlton Anthony Ramon. Un eks-agente polisial ku despues di a dediká 15 aña na kuerpo polisial a sigui desaroyá su talentonan i a traha pa por kumpli ku su propósito den bida. Charlton a ehersé funshonnan importante, manera direktor di un kompania di barkunan. Un persona ku sa kiko e ke i ku determinashon pa logra su metanan den bida, Un hòmber di famia, e ta kasá ku yunan.
9. Andrea, Emmely Renata Caridad. Emmely ta un hóben ku ta studia na Universidat di Antia Ulandes. E ta práktikamente kla ku su estudio di “management bussiness communication”. E ta un hóben ku ta desenvolvé su mes riba diferente otro áreanan tambe. Un di nan ta komo relashonista públiko di e akademia di arte: “ Excell Arts Academy”. Emmely ke mira su nashon bai dilanti, e tin tantu adultonan pero prinsipalmente desaroyo di hóbennan na pechu. Un hóben íntegro, ku a desaroyá hopi kompetensha importante pa por duna un aporte importante na desaroyo di nos nashon.
12. Girigoria, Neftali Rossino Walles. Studiante na fakultat tékniko di Universidat di Antia Ulandes. Un hóben dinámiko ku ta despegá tambe su talento artístiko den Excell Arts Academy. Den e akademia e ta funshoná tambe komo un lider i dosente. Su pashon ta yuda hóbennan desaroyá nan talentonan i tambe pa nan kumpli ku e propósito pa kua nan ta aki na mundu.
11. Felipa, Karyl Martin. Un persona ku abilidat artístiko. Karyl ta un fotograf di taye. E ta desaroyando su mes komo un diseñadó gráfiko. Karyl a biba hopi aña na Ulanda I a regresá Kòrsou bèk resientemente. For di momentu ku el a regresá, su deseo ta pa duna un man pa yuda desaroyá nos nashon.
14. Raven, Jourdaine Girigoria. Jurdaine a biba un gran parti di su bida na Ulanda . Aya el a studia atministrashon, pero 4 aña pasá el a regresá bèk Kòrsou. Eksperenshando problemanan di nos yunan di tera na Ulanda el a desaroyá un karga pa nos nashon i asina el a regresá bèk pa duna un aporte na desaroyo di Kòrsou. For di Ulanda e ta tin e pashon pa polítika i a tuma e desishon firme pa sirbi su pueblo den e área akí.
13. Schoonewolff - Ng, Maurina Yucksin. Un persona ku a studia den ramo di salubridat komo “verpleegkundige”, pero tambe rekonosé komo unu ku un eksperensha amplio riba e tereno di salubridat pa mas ku 40 aña. Yucksin a duna su eksperensha, su tempu i esfuerso pa yuda desaroyá programanan pa nos pueblo biba salú. E ta unu sigur ku a yuda den programanan riba nivel nashonal pa konsientisá nos nashon pa loke ta trata e área di salubridat. Yucksin tin atenshon i prekupashon pa tur edat i gremio den nos komunidat. Su pashon ta un Kòrsou salú i próspero den tur sentido di palabra, ke men tantu físiko, emoshonal i spiritual.
15. Pinedo - Monte, Viviana Gaudencia. Viviana ta un trahadó soshal ku hopi eksperensha. El a studia na Ulanda i despues bin Kòrsou kaminda el a traha diferente kaminda e.o. na un sentro pa rehabilitashon di adiktonan yamá Narkótikonan Viktorioso i Reskate. Na Kòrsou Viviana no a sinta ketu i a sigui desaroyá su mes den e estudio di trahadó soshal. Awendia e ta traha na “Voogdijraad”. E tin hopi konosementu di problemanan soshal i ta traha su trabou ku pashon na bienestar di nos nashon.
16. Jourdain, Rudsel Francisco. Rudsel ta traha na Resort Sunset Waters, ayanan su funshon ta di supervisá tur loke ta trata mantenementu. E ta un persona hopi dediká na su trabou i tambe na su famia. E ta kasá i tin 3 yu. Rudsel ta un persona hopi konosí komo unu ku semper ta duna un man kaminda tin mester. Su bario kaminda el a lanta ku ta bario di Marchena konosé komo un persona ku ta kla pa yuda otro. Awe Rudsel ke sirbi su nashon.
18. Martina, Norbert Fulgencio. E tin 25 aña di edat i ta kasá ku 1 yu. Norbert ta un hóben responsabel i dediká tantu na su trabou komo na su famia. E ta traha na Curacao Surveillance Company den e funshon di supervisor. Su lema ta ban papia ménos i hasi mas. E ta konvensí ku tin solushon pa problemanan den nos nashon i a uni ku Un Pueblo Nobo pa huntu nos ban traha pa un mihó porvenir pa Kòrsou.
17. Regales, Efrain Rufino. Efrain ta un hòmber di famia ku stima su trabou i su pais. E ta kasá i tin 3 yu hòmber. Di profeshon e ta Radarverkeersleider, profeshon ku e ta ehersé for di 1982. E ta empleá NAATC N.V. ku ántes tabata kai bou di Directie Luchtvaart. Tambe e ta sekretario di e sindikato ATCANA ku ta para pa Air Traffic Controllers Association Netherlands Antilles. Den su tempu liber e ta gusta traha ku mucha i e ta un deportista aktivo riba diferente ramo.
20. Paula, Ronald Romans. Èks trahadó di Aerocargo. Un hòmber di hopi eksperensha i hopi konosí den nos komunidat. Den su tempu liber el a traha duru pa su bario Buena Vista organisando entre otro aktividatnan deportivo pa hubentut manera futbòl Orfik, timnan di sòftbòl i hopi mas. E trabounan aki tambe a gui’é na hasi hopi trabounan soshal ku famianan den e bario.
19. Hook, Avalon Francis Alexis. Avalon ta empleá na Citco for di aña 1992. El a studia “bedrijfsadministratie”. Avalon aparte di su estudio ta duna konseho i tambe lektura riba maneho di bo salario, pa bo por ta un persona responsabel den e área ei. Riba tereno artístiko tambe el a desaroyá su mes i ta un tremendo saksofonista. E ta kasá ku 2 yu. Un hòmber íntegro, di moral haltu. E ta dediká na su famia. Su lucha ta pa Kòrsou tin famianan stabil.
