Un persona ku:

·         ta someté su mes na disiplina propio pa por biba un bida di moral haltu, di moda ku e por ta un persona ehemplar den komunidat ku ta biba un bida sano, konsiente di e echo ku ta importante pa e bida aki ser reflehá i transmití riba otro miembronan di komunidat;

·         ta biba di akuerdo ku norma i balornan haltu;

·         tin un kurason rekto i hustu;

·         tin fe den Dios i amor i respét pa Dios su kamindanan;

·         tin un sentido di balor propio haltu;

·         tin un grado di karísma, ta kariñoso i agradabel;

·         tin amor i karga pa su pátria;

·         ta komprondé e vishon di Un Pueblo Nobo i tin karga i ta dispuesto pa traha pa e vishon aki keda kumplí;

·         tin e abilidat pa komuniká e vishon di partido na un forma klá i komprendibel

·         tin abilidatnan soshal i komunikativo;

·         tin konosementu di nos sistema polítiko / struktura estatal;

·         ta respetá otronan i konsekuentemente por respetá su koleganan tantu komo persona i komo kolega;

·         ta respetá otronan su punto di bista i por traha den union;

·         ta kapas di apstené su mes di atakenan personal di kualke índole pa ku otro i di ta ophetivo den su interpretashon di otro su ponenshanan;

·         ta dispuesto di nenga su propio nesesidat pa rekonosimentu i entregá su mes den sirbishi di e komunidat, reflehando balornan ku ta afirmá sinseridat, armonia, pas, amor pa tur miembro di komunidat, na bienestar di konstrukshon di un komunidat mas fuerte;

·         ta dispuesto di desplegá no solamente su talento i abilidatnan, pero tambe su kalidatnan moral i mental i su dominio propio, siendo un persona ku tin bon komprendementu di nos propio historia, identidat i propósito den bida;

·         ta dispuesto di tuma riesgo prudente, ta onesto ku su mes i ku otronan, ta para kla pa duna un aporte ku su talentonan, konosementu i ekspertisia den tur área di gobernashon ora ku un apelashon wòrdu hasí na dje;

·         ta inspirá dedikashon i trabou i ta desplegá energia i entusiasmo den union ku otro;·         no ta ambishoná pa plaka ni pa posishon, pero ta aktua den puresa di kurason for di un moral haltu i lealtat;

·         ta kapas di traha for di un punto di bista di solidarismo i ta dediká na e vishon pa un Kòrsou felis.

·         ta dominá e idiomanan papiamentu, ingles, spañó i hulandes verbal i por eskrito. 

·         Pa profilnan tékniko i personal por tuma nota di e profil nombrá aki’bòu.